Kids
చిరు మోములపై ఆహ్లాదాన్ని నింపిన తానా బాలవికాస్ కేంద్రాల సంక్రాంతి సంబరాలు: శ్రీకాకుళం, ఆంధ్రప్రదేశ్
ఉత్తర అమెరికా తెలుగు సంఘం ‘తానా’ ఫౌండేషన్ ఆంధ్రప్రదేశ్ లోని శ్రీకాకుళం జిల్లాలో పలు ప్రాంతాల్లో బాలవికాస్ కేంద్రాలను నిర్వహిస్తున్న సంగతి తెలిసిందే. ఈ బాలవికాస్ కేంద్రాల యొక్క ముఖ్య ఉద్దేశ్యం 1వ తరగతి నుండి 6వ తరగతి విద్యార్థులకు చక్కని విద్యతో బాటు నైతిక విలువలను, మానసిక శారీరక వికాసాన్ని పెంపొందించడం, శ్లోకాలు, పాటలు, నీతి కథలు నేర్పించడం.
ఈ బాలవికాస్ కేంద్రాలకు కావలసిన మౌలిక సదుపాయాలను (బ్లాక్ బోర్డ్, పుస్తకాలు, పలకలు, పెన్సిల్లు , పెన్నులు, చేతి రాత పుస్తకాలు అలాగే ఆట వస్తువులైన కేరంబోర్డ్ , చెస్ బోర్డ్స్ , రింగ్ లు మొదలగునవి) తానా వారు అందివ్వడమే కాకుండా బాలవికాస్ శిక్షకులకు గౌరవ భృతిని అందిస్తున్నారు.
సంక్రాంతి పండుగను పురస్కరించుకొని రాజాం లోని తెలగావీధి, బుర్రివీధి, హరిజనవీధి, లచ్చయ్యపేట, తాలాడ, మారెడుబాక బాలవికాస్ కేంద్రాలలో సంక్రాంతి సంబరాలు నిర్వహించారు. భోగి మంటలు, ముగ్గులు, ఆటపాటలు, హరిదాసు, గంగిరెద్దు వాళ్ళతో చిన్నారులు ఆహ్లాదంగా గడిపారు.
ఈ సంబరాలకు రాజాం లోని ప్రముఖులు హాజరయ్యి మరింత శోభను తీసుకువచ్చారు. ఈ సందర్భంగా విద్యార్ధులకు, శిక్షకులకు తానా మరియు తానా ఫౌండేషన్ లోగోలు వున్న బట్టలు పంపిణీ చేసారు. చివరిగా చిన్నారులు ‘థాంక్ యు తానా’ అంటూ వీడియో సందేశం ద్వారా కృతఙ్ఞతలు తెలియజేసారు.
